Maraykanka oo si adag uga digay in la musuq maasuqo dib u habaynta Ciidamada Soomaaliya

[Deeq A.]

Maraykanka ayaa si adag uga digtay, in musuq maasuq lagu sameeyo Hannaanka Dib u-habaynta Ciidamada Dowladda Federaalka Soomaaliya.

Qoraal lagu daabacay Barta Twitter-ka Safaaradda Maraykanka ee Soomaaliya, ayaa lagu sheegay in Dowladda Maraykanku taageerayso Barnaamijka Dib u-habaynta Ciidamada Soomaaliya, balse Qoraalka ayaa si adag uga digay in musuq maasuq iyo Qaraaba-kiil lagu sameeyo Hannaanka Dib u-habaynta Amniga.

“Musuq maasuqa iyo qaraabo-kiilku waxay dhaawacayaan horumarka, waxayna wiiqeysa Amniga dadka Soomaaliyeed, iyadoo xoojineysa Cadawga” ayaa lagu yiri Qoraalka.

Farriinta Maraykanka, ayaa ku soo beegmatay, xilli ay soo baxayaan warar sheegaya in musuq maasuq lagu sameeyay Barnaamijka Dib u-habaynta Ciidamada Milateriga Soomaaliya, gaar ahaanna Kumaandooska loo yaqaan DANAB.

PUNTLAND POST

The post Maraykanka oo si adag uga digay in la musuq maasuqo dib u habaynta Ciidamada Soomaaliya appeared first on Puntland Post.