Turkiga oo taageeray midnimada iyo wadajirka dhinacyada Falastiin

[Deeq A.]

Wasiirka Arimaha Dibadda Dalka Turkiga ayaa soo dhoweeyay kulan maalinimadii shalay dhexmaray  Madaxweynaha reer Falastiin Maxamuud Cabaas iyo hoggaanka qeybaha Bulshadaasi ee gudaha iyo dibadda.

Kulankaan ayaa looga hadlay sidii looga hortagi lahaa qorshayaasha Israel  ee ay dooneyso in ay la wareegto deegaano hor leh waxaa qadka Internetka uga qeybgalay Madaxda ku sugan Ramallah iyo Beirut.

War-murtiyeed ka soo baxay Wasaaradda Arrimaha Dibadda ee Turkiga ayaa lagu sheegay ahmiyadda iyo mudnaanta howlaha dib-u-heshiisiinta iyo dhiirigelinta qadiyadda reer Falastiin waxaana intaa la raaciyay inTurkigu uu sii wadi doono inuu dhiiri gelinta dadaalka loogu jiro gaaritaanka midnimada iyo wadajirka dhinacyada Falastiiniyiinta.

Maamulka Falastiin iyo kooxaha wax iska caabinta ayaa cambaareeyay heshiiska Imaaraatka iyo Israa’iil waxayna sheegeen inuusan u adeegeynin qadiyadda Falastiin ayna iska indha tirayaan xuquuqda Falastiiniyiinta.

PUNTLAND POST

The post Turkiga oo taageeray midnimada iyo wadajirka dhinacyada Falastiin appeared first on Puntland Post.