Xarunta dambi baarista ee CID oo maanta dib u shaqo bilowday

[Deeq A.]

Maanta oo tallaado ah waxaa dib loo furay xaruntii dadka ay ka heli jireen warqadda dambi la’aanta ee CID-da, kadib markii  loo xiray saameyntii ka dhalatay Cudurka COVID-19.

Afhayeeenka Ciidanka Booliska Soomaaliyeed Dhame Sadiiq Aadan Cali oo la hadlay Shabelle ayaa sheegay in xaruntaas maanta dib loo furay, islamarkaana ay dib u bilaaban doonaa adeegyadii CID –da oo dadweynuhu ay ka heli jireen halkaas.

Dhame Sadiiq Aadan ayaa waxaa uu sheegay in la sameeyay habraacyo cusub iyo isbedello kuwaasi oo bulshada u sahlaya in si fudud loogu adeego.

“Waxaa la sameeyay habraacyo cusub iyo isbedello kuwaasi oo bulshada u sahlaya in si fudud loogu adeego, loogana taxadaro Covid-19 iyo amniga shacabka, weji xir (Masks ayay dadku soo qaadanayaan, shaqaduna waxaa ay bilaabanaysaa 6:00 aroornimo ilaa 12: Duhurnimo ayayna soconaysaa”ayuu yiri Afhayeenka Ciidanka Booliska

Ugu dambeyn waxaa bulshada uu faray in qof walbo uu soo qaato af-xirka (Mask, si loo yareeyo faafitaanka cudurka Coronavirus oo weli ka jiro dalka.

View the full article