Soomaaliya: Ajnabi ku sugan Muqdisho oo laga helay Coronavirus

[Deeq A.]

Dowladda Soomaaliya ayaa sheegtay in qofkii saddexaad oo Muqdisho ku sugan laga helay cudurka Coronavirus.

Wasiirka caafimaadka Soomaaliya Fowsiya Abiikar Nuur, oo warbaahinta dowladda la hadashay, ayaa shaacisay in qofkaas uu yahay qof ajnabi ah oo la shaqeeyaa xafiiska QM ee Soomaaliya.

Sidoo kale, war-saxaafadeed kasoo baxay xafiiska QM ee UNSOM ayaa lagu sheegay in qof u shaqeeyaa shirkad qandaraas kula jirta UNSOM laga helay COVID-19.

Dowladda Soomaaliya ayaa shalay xaqiijisay in kiiskii labaad ee Coronavirus ah ee gudaha Soomaaliya laga helay qof ku sugan magaalada Muqdisho.

Wasiirka caafimaadka ayaa shaacisay in qofka labaad ee laga helay xanuunka Coronavirus uu yahay qof Soomaali ah oo ka yimid dibedda, kaasi oo ka mid ah dad ay karantiileysay dowladda.

PUNTLAND POST

The post Soomaaliya: Ajnabi ku sugan Muqdisho oo laga helay Coronavirus appeared first on Puntland Post.