Xildhibaanada barlamaanka oo kusii qulqulaya xarunta barlamaanka iyo guddoomiye Jawaari iyo tiimkiisa oo iskudayaya inay baajiyaan mooshinka.

[Deeq A.]

Xildhibaannada barlamaanka federalka Soomaaliya ayaa saaka kusii qulqulaya xarunta golaha shacabka, halkaas oo la filayo in saacadaha soo socda uu ka furmo kalfadhi codka loogu qaadayo mooshinka lagasoo gudbiyay guddoomiyaha barlamaanka Soomaaliya.

Cabsi weyn ayaa laga qabaa in xarunta barlamaanku uu ka dhaco gacan ka hadal dhex mara xildhibaanada labada garab kala taabacsan, inkastoo ciidamada ammaanku ay ka reebeen dhammaan ilaaladii ay wateen xildhibaanada.

guddoomiye Jawari iyo tiimkiisa ayaa isku ballansaday in maanta laga doodo arrinta la xiriira muranka Darbiga Kenya ka dhisayso xuduuda, iyagoo doonaya inay ku baajiyaan fadhiga mooshinka codka loogu qaado oo ay garabka kasoo horjeedo dabada ka riixayaan.

Madaxweyne Farmaajo iyo xukuumadiisa ayaa dusha eeganaya waxa ka socda barlamaanka kadib markii lagu fashilmay in xal loo helo khilaafka barlamaanka ka dhex taagan.

Puntlandi.com