Maamulka Somaliland oo ugu baaqay shacabka in ay qaataan basaboorka cusub ee Soomaaliga

[Daqane]

 

Maamulka Somaliland ayaa wareegto ka soo saaray baasaboorkii hore ee cagaarnaa kaas oo ay shacabka Somaliland aadka u isticmaalaan, waxaana wareegtadan lagu sheegay in gebi ahaanba la joojiyay isticmaalka baasaboorka cagaaran.

 

 

Wareegtadan oo uu ku sixiixan yahay agaasimaha wasaaradda duulista Somaliland Axmed Cali Faarax ayaa loogu baaqay shacabka reer Somaliland in ay badalaan baasaboorkii hore ee cagaarka ah maadaama ay badashay dowladda Soomaaliya, caalamkana laga aqoonsaday baasaboorka cusub ee electroniga ah.

 

Wasaaraddu waxa ay fareysaa shacabka in ay dhaqan geliyaan wareegtadan, iyadoona dhinacyada ay arrintani khuseyso ee socdaalka sida diyaaradaha iyo shirkadaha tigidhada jara in aysan aqbalin baasaboorkii hore.

 

Shacabka gobolada Waqooyi ee Soomaliya (Somaliland) ayaa baasaboorka cusub ee soomaaliga u soo doonan jiray deegaanada Puntland maadaama uusan ku oolin xafiis laga bixiyo baasaboorka cusub ee soomaaliga.

Arrintan ka soo yeertay maamulka Somaliland ayaa u muuqata mid ay ku badaleyso go`aankeedii hore ee ahaa in aan laga hirgelin deegaanada Somaliland baasaboorka cusub ee soomaaliga maadaama ay horay u diiday.

Caalamka ayaa iminka si toos ah u aqoonsaday baasaboorka cusub ee soomaaliga kaas oo la jaanqaadaya teknolojiyada cusub ee caalamka.

 

 

 

Calanka.com: Isha wararka xaqiiqda

[GAROODI]

For certain countries SOMALILAND allows that because its used to attach what Saudis call muqawama... This guy thinks its SOMALILAND askin its people to join Somalia lool desperate.com/jahawerer lool. SOMALILAND is not recognised for countries like Djibouti, Ethiopia and Kenya who accept the SOMALILAND passport the government encourages the SOMALILAND passport.