Paragon Posted January 9, 2007 Weerar loo gaystey ciidanka DF 9 Jan 9, 2007, 11:57 Abaarihii 7:05 Fiidnimo ee caawa ayaa Maleeshiyo aad u hubeysan isla markaana si dhuumaaleysi leh kusoo gaartay agagaarka Warshadii Hargaha iyo Xarunta CID ee magaalada Muqdisho ayaa tachiirad xoogan la beegsadey ciidamada DF iyo kuwa Ethiopian-ka ee halkaasi ku sugnaa. Halmar ayaa lagu soo baraarugay dhawaaqa rasaasta iyo labo madfac oo aad u xoogan iyadoo labada dhinac ay tacshiirad aan la isku aaba yeelin ay is waydaarsadeen. Ciidamada DF ayaa maalmahaan dhufeyso ka qodanayey agagaarka xarunta CID-da ee magaalada Muqdisho halkaasoo saldhig adag ay ka dhigteen. Ilaa iyo hada lama xaqiijin karo khasaaraha dhabta ah ee halkaasi ka dhashey, waloow wali rasaas goos goos ah ay halkaasi ka dhaceyso. Magaalada Muqdisho ayaysan ka dhicin wax hub ka dhigis ah kadib markii DF ay waqti aan la cayimin dib u dhigtey barnaamijkaas. Wararkaan wixii ku soo kordha kala soco Garowe Online Cabdi Fatax Axmad,GO Qaraxyo is xiga iyo israsaaseyn ka dhacday Isgoyska KM4 War deg deg ah Mogadishu 09, Jan.07 ( Sh.M.Network) – 3 qarax ayaa ka dhacday Isgoyska KM4 ee magaalada Muqdisho caawa fiidkii saacadu markii ay aheyd 7 dii iyo qadar yar, iyadoona is rasaaseyn ay dhacday. Dadka deegaanka KM4 oo shabelle ay la xiriirtey ayaa waxa ay u xaqiijiyeen in ay maqleen sawaxanka 3 qarax oo ruxday halkaasi, deetana rasaas badan la is weydaarsaday, taasoo loo maleynayo in ay u dhaxeyso maleeshiyo aan la garaneyn iyo ciidamada dowladda Somalia oo halkaasi fariisin ku leh. Lama yaqaan wali qasaaraha dhabta ah ee qaraxyadaasi iyo iska horimaadkaasi uu geeystay, iyadoo mararka qaar ay dhaceyso rasaas. Waxii ku soo kordha kala soco shabelle.net Shabelle Media Network Somalia E-mail us: info@shabelle.net Quote Share this post Link to post Share on other sites
