Maxamed Dheere oo Qarax lala eegtay!

[Maaddeey]

Muqdisho: (Sh. M. Network-12-05-2010) Sida ay sheegayaan warar ku dhow dhow Ilaalada Gudoomiyihii hore ee gobolka Banadir Maanta ayaa gaadiid uu la socday gudoomihii hore ee Gobolka Banaadir Max’ed Cumar Xabeeb waxaa lala eegtay qarax miino oo aad u xoogan xili uu marayay agagaarka Jirda Xuseen degmada Shangaani ee gobolka Banaadir.

 

Qaraxa lala beegsaday gaadiidka uu la socday Max’ed Cumar Xabeeb Max’ed Dheere ayaa uu ahaa nuuca dhulka lagu aaso waxaana inta la ogyahay ku nafwaayay hal qof halka sedax kalana ay ku dhawacmeen kuwaasi oo dhamaantood ka tirsanaa Ciidamadii Ilaalinayay Maxamed Dheere.

 

 

 

Max’ed Dheere ayaa ka bad baaday qaraxa waxaana isagoo u waramay qaar ka mid ah warbaahinta uu sheegay in uu ka bad baaday qaraxaasi hase ahaatee ay qasaare ka soo gaartay askar ka tirsan ilaaladiisa.

 

 

 

Askarta qaraxa ku dhaawacantay ayaa loo qaday qeybo ka mid ah goobaha Caafimaadka ee Magaalada Muqdisho si halkaasi loogu dabiibo caaladooda Caafimaad.

 

 

 

Majirto ilaa iyo hadda cid sheegatay masuuliyada Qaraxaasi iyadoo aysan aheeyn markii ugu horeeysay ee qarax lala eegto Max’ed Cumar Xabeeb Max’e Dheere, waxaana qarax miino lala eegtay xiligii dalka ay joogeen ciidamada Ethiopia xiligaasi oo uu isagu ahaa gudoomiyaha gobolka Banaadir ee dowladda KMG Soomaaliya.