Is afgarad Amni iyo ganacsi oo dhex maray Somaliland iyo Puntland Qodobadii ka soo baxay

[Deeq A.]

IS-AFGARAD DHEXMARAY SOMALILAND IYO PUNTLAND

Masuuliyiin ka kala socda *Somaliland iyo Puntland, oo ay ku jiraan wasiiro, saraakiil amni iyo wakiillo sarsare, ayaa ku kulmay **4–5 October 2025 magaalada Nairobi, Kenya*, iyagoo ka wadahadlay arrimo amni, dhaqaale, iyo siyaasadeed oo muhiim u ah gobolka Geeska Afrika.

*Heshiisyada waaweyn ee laga gaaray shirka:*
*Iskaashiga Amniga:* Labada dhinac ayaa ku heshiiyey inay si wadajir ah ula dagaallamaan *Al-Shabaab, Daacish, iyo dambiyada abaabulan, isla markaana iska kaashadaan **amniga badda iyo xuduudaha*.
*Nabadeynta Ceerigaabo:* Waxaa la isku raacay in si nabad ah loo soo afjaro colaaddii deegaankaas, dadka barakacayna dib loogu celiyo guryahooda.
*Xoojinta Ganacsiga:* Waxaa la isla gartay in la dardargeliyo *isu socodka bulshada iyo ganacsiga, lana sameeyo **kaabayaal dhaqaale* oo isku xidha labada dhinac.
*Hawada:* Shirku wuxuu cambaareeyay siyaasadeynta iyo ku xadgudubka hawada rayidka ah.

Labada dhinac waxay sheegeen inay joogteyn doonaan *kulamada wadatashiga, isla markaana ay soo dhoweynayaan cid kasta oo taageerta **nabadda iyo horumarka gobolka.*

 

 

Qaran News