Madaxweyne Trump oo hadallo adag ku weeraray Ilhaan Cumar iyo dalka Soomaaliya

[Deeq A.]

Madaxweynaha dalka Maraykanka Donald Trump ayaa si adag u weeraray xildhibaanad Ilhaan Cumar oo ka tirsan golaha Wakiilada Maraykanka iyo sidoo kale dalka Soomaaliya kaas oo uu ku tilmaamay mid macluul loogu dhimanayo.

” Ilhaan Cumar dalkeeda Soomaaliya waa waddan aan lahayn dawlad dhexe, waa dal ay ka jirto gaajo, saboolnimo, budhcad badeed, dagaal sokeeye oo tobonnaan sano socdo, rabshado gees walba ku baahay,  Musuq maasuq, 70% dadka Soomaaliya way macluulayaan,waxana sannad walba uu kaalinta koowaad ka galaa dalalka ugu musuq maasuqa badan Caalamka, iyada oo intaas oo dhammi jirto ayay Ilhaan Cumar noo sheegaysaa sidii loo maamuuli lahaa Maraykanka” ayuu yiri Trump.

Madaxweyne Donald Trump ayaa sidoo kale ka hadlay Soomaalidii dhowaan lagu soo eedeeyey in ay lunsadeen lacagihii loogu tala galay dadkii uu saameyey cudurkii saf marka ahaa ee Covid-19 isaga oo xildhibaanad Ilhaan Cumar ku tilmaamay in ay xiriir la leedahay dadkaasi.

Tani maaha markii koowaad ee Trump ka hadlo arrimaha ka jira Soomaaliya balse tan iyo kal xukunkiisi hore waxa uu si weyn u weeraray Soomaaliya isaga oo ku tilmaamay dal aan dawlad lahayn, oo aan Boolis lahayn oo aanay nololi ka jirin.

PUNTLAND POST

The post Madaxweyne Trump oo hadallo adag ku weeraray Ilhaan Cumar iyo dalka Soomaaliya appeared first on Puntland Post.