Qaar kamid ah Qoyska iyo saaxiibada madaxweyne Deni oo maraakiib jariif ah soo galiyay xeebaha Puntland

[Deeq A.]

Kalluumeysatada maxalliga ah ee degmada Xaafuun ee gobolka Bari ayaa si weyn uga cabanaya maraakiib iyo doonyo jariif ah oo ay shati kalluumyesi siisay xukuumadda madaxweyne Siciid Deni.

Qaar kamid ah Kalluumeysatada xeebaha degmada Xaafuun ayaa cabasho xooggan ka muujiyay maraakiib iyo doonyo jariif oo ay wakiilo ka yihiin xubno kamid ah saaxiibada iyo Qoyska madaxweyne Deni islamarkaana shati kalluumeysi ka haysta xukuumadda Puntland.

Kaluumaysatada oo nala soo xariirtay ayaa sheegaya in maraakiibtaas ay saaran-yihiin, oo ay ilaalinayaan rag Soomaali ah oo hubaysan, waxayna taagan yihiin meelihii kaluumaysatada maxaliga ah ay ka kaluumaysan-jireen, taasi oo saamayn taban ku yeelatay danyartii noloshoodu ku tiirsanayd badda.

In ka badan 30 shabaakood oo ay lee yihiin kalluumeysatada maxalliga ah ayaa waxa sidoo kale burburiyay maraakiibta jariifka ah, sidoo kale saaxiimadii ama doontii u dhawaatada maraakiibta ayaa la rasaasaynayaa. Xaalad nololeed ayaa markan soo food saartay Kalluumeystada maxalliga ah ee xeebaha degmada Xaafuun.

PUNTLAND POST

The post Qaar kamid ah Qoyska iyo saaxiibada madaxweyne Deni oo maraakiib jariif ah soo galiyay xeebaha Puntland appeared first on Puntland Post.