Madaxweynaha Maraykanka oo Aqalka Cad lagu weydiiyay su’aal ku saabsan Aqoonsiga Somaliland

[Deeq A.]

Madaxweynaha Maraykanka, Donald Trump oo Aqalka cad lagu weydiiyay su’aal ku saabsan Aqoonsiga Somaliland ayaa sheegay in ay su’aal wanaagsan tahay, islamarkaana wakhtigan ay ka shaqaynayaan arrinta Somaliland.

Madaxweyne Trump oo markii u horreysay si toos ah loo waydiiyay qorshaha Mareykanka ee ku saabsan Aqoonsiga Somaliland, waxa uu ku jawaabay isagoo muujinaya in mawduucaasi weli miiska saaran yahay oo u baahan xal siyaasadeed iyo mid diblomaasiyadeed “ waa su’aal wanaagsan arrintaasi Somaliland waan ka shaqeyneynaa waa mid kale oo adag.”

Dhawaanahan waxaa sii xoogaysanaya hadal-haynta ku aaddan in Maraykanku ay danaynayaan in ay iskaashi oo istaraatiji ah la yeeshaan Somaliland oo ay saldhig ciidan ka samaystaan magaalada Berbera, waxaana xubno ka tirsan labada Aqal ee Maraykanku soo jeediyeen in Madaxweyne Donald Trump uu aqoonsi rasmi ah siiyo Somaliland.

PUNTLAND POST

The post Madaxweynaha Maraykanka oo Aqalka Cad lagu weydiiyay su’aal ku saabsan Aqoonsiga Somaliland appeared first on Puntland Post.