Dagaalo hor leh oo Dhahar ku dhex maraaya maamulka Putland iyo maleeshiyo taabacsan Xasan Sheekh

[Deeq A.]

Xaaladda Magaalada Dhahar ayaa maanta markale dagaalo ka bilaabmeen isla markaana waxa wali diriraaya Ciidamadii maamulka Puntland iyo maleeshiyaadka degaanka ee shalay ku dagaalamay magaalada Dhahar ciidamada deegaanka ayaa isku sheegay Maakhir State kuwaasi oo ay ka danbeeyaan maamulka Xasan Sheekh oo damacsan in uu baabiiyo ama wiiqo awooda maamulka Puntland

Hadaba ciidamo badan oo ka socda Puntland, ayaa soo gaadhay magaalada Dhahar, kuwaas oo xoojinaaya Ciidamadii hore u joogay magaalada, sida oo kale Masuuliyiin kala duwan ayaa gaadhay magaalada Dhahar, waxaana ay shirar ay la qaadanayaan Odayaasha iyo Wax-garadka degaanka.

Masuuliyiin kala duwan oo u hadlay Maamulka Puntland ayaa masuuliyada dagaalkaasi ku eedeyay Xukuumadda Soomaaliya , halka ay Xukuumada Federaalkuna Madaxweynaha Puntland ku eedeysay masuuliyada dagaalka Magaalada Dhahar.

Se waxa cad in colaada ka bilaabmatay bariga gobolka Sanaag uu ka danbeeyo madaxweynaha Somalia Xasan Sheekh Maxamuud oo ku fashilmay in uu mahaalada Muqdisho u sameeyo maamul amni oo midaysan isla markaasina ayna gacantiisa ku jirin dhamaan gobolada iyo degmooyinka koonfurta Somalia.

Dhanka kalana bariga Sanaag iyo sidoo kale bariga Sool marnbaba ma noqon karaan maamul goboleed hoos yimaada Somalia iyada oo la eegaayo habka loo yeelan karo maamul goboleed ee ku salusan dastuurka Soamlia taasi oo hada fidno hor lehniyo colaado sokeeye loo soo raraayo bariga Sanaag iyo sidoo kale bariga Sool.

Dawlada Somaliland ayaa ciudamadeeda heegankii ugu cuslaa halisay iyada oo loo diyaar garoobay hadii wax rabshado ahi ay ka yimaadaan degmooyinkaasi ay colaadu ka aloosantahay sidii loogu jawaabi lahaa.

Ciidamada Somaliland ayaa dib u habayn xoogan lagu sameeyay xaga tirada iyo tayadaba oo kor loo qaaday isla markaasina awood buuxda u leh in ay difaacaan dalka iyo dadkaba

Qaran News