Holland oo dib u soo celisay alaab qadiimi ah oo laga xaday boqortooyadii hore ee Nigeria in ka badan 120 sanno ka hor

[Deeq A.]

Holland ayaa si rasmi ah dib ugu soo celisay 119 alaab qadiimi ah oo laga xaday boqortooyadii hore ee Nigeria ee Benin in ka badan 120 sanno ka hor xilligii gumeysiga. Olugbile Holloway, oo ah agaasimaha guud ee Komishanka Qaranka Nigeria ee Matxafyada iyo Taallooyinka, ayaa Sabtidii sheegay in alaabtan farshaxanka ahi ay yihiin ” ruuxda iyo aqoonsiga dadkii laga soo qaaday”. “Waxa kaliya ee aan waydiisanno aduunka waa in na loola dhaqmo si caddaalad ah, sharaf iyo ixtiraam,” ayuu ka yidhi xaflad lagu qabtay Matxafka Qaranka ee Lagos. Holloway wuxuu intaas ku daray in Jarmalku uu sidoo kale ogolaaday inuu soo celiyo in ka badan 1,000 qaybood oo dheeraad ah. Farshaxankan qadiimka ah, oo loo yaqaan Benin Bronzes, ayaa ah soo laabashadii ugu dambeysay ee taariikhda qaaliga ah ee Afrika iyada oo ay kor u kacday cadaadiska dawladaha reer galbeedka si ay u soo celiyaan alaabtii ay qaateen xilligii boqortooyadii. Afar ka mid ah farshaxannadan ayaa lagu soo bandhigay barxadda madxafka waxayna sii ahaan doonaan kaydka joogtada ah ee madxafka, halka kuwa kalena lagu celin doono Oba of Benin, Ewuare II – oo ah taliyaha dhaqanka ee Boqortooyada Benin ee koonfurta Nigeria. Alaabtan Bronze of Benin waxaa ka mid ah farshaxanno bir ah iyo fool maroodi oo soo taxnaa qarniyadii 16-aad ilaa 18-aad. Alaabtan ayaa la xaday 1897-kii markii ciidamada Ingiriiska oo ka amar qaadanayay Sir Henry Rawson, ay xoog ku qabsadeen boqortooyadii Benin oo maanta ah koonfurta Nigeria – waxayna ku qasbeen Ovonramwen Nogbaisi, boqortooyadii xilligaas, inuu musaafuris lix bilood ah u baxo. 2022, Nigeria waxay si rasmi ah u codsatay soo celinta boqollaal walxood oo madxafyada adduunka oo dhan ah. Isla sanadkaas, ilaa 72 walxood ayaa laga soo celiyay madxaf ku yaalla London, 31 ka mid ahna waxaa laga soo celiyay Jasiiradda Rhode ee Maraykanka.

Source