Ruushka oo tijaabiyay gantaalaha qaaradaha isaga gudba ee xambaara Nukliyeerka

[Deeq A.]

Ruushka wuxuu sameeyay tijaabada gantaallada ballistic-ga ee qaaradaha isaga gudba, kuwaas oo qaadi kara madaxyada Nukliyeerka, sida ay shaacisay wasaaradda difaaca Ruushka.

Dowladda ayaa adeegsanaysa gantaallada kala ah ; Yars, Bulava iyo Sineva  oo laga riday maraakiibta qaada gantaallada Nukliyeerka ee  Knyaz Oleg  iyo Novomoskovsk ,sida ay ku dhawaaqday wasaaradda difaaca Ruushka oo sheegtay in hubkan la tijaabiyay inta lagu jiray dhoolatus ah ay Talaadadii shalay sameeyeen ciidanka Ruushka.

Madaxweynaha Ruushka, Vladimir Putin ayaa isagoo aalada fogaan aragga kula xiriiray saraakiisha sare ee militariga, wuxuu sheegay in dhoolatuskan uu ka mid noqon doono tallaabada saraakiisha ugu sarreysa Ruushka ay wax uga beddelayaan siyaasadda adeegsiga hubka Nukliyeerka oo ay ku jiraan gantaallada ballistic-ga ee xambaari kara nukliyeerka.

Wasiirka difaaca  Ruushka,Andrei Belousov ayaa  sheegay in dhoolatuskan uu yahay mid loogu talagalay in lagu soo bandhigo sida uu Ruushka isaga difaacayo, uga hortagayo , si dhaqso ahna uga jawaabayo haddii uu dhaco weerar Nukliyeer ah.

PUNTLAND POST

The post Ruushka oo tijaabiyay gantaalaha qaaradaha isaga gudba ee xambaara Nukliyeerka appeared first on Puntland Post.