Puntland oo siidaysay ajaanib iska soo dhiibay Daacish

[Deeq A.]

Maxkamadda ciidamada qalabka sida iyo dambiyada culus ee Puntland ayaa maanta xorriyadoodii u celisey 6 eedaysane oo ajaanib ah, kuwaas oo u kala dhashay dalalka Itoobiya iyo Marooko.

Ajaanibta xoriyadooda la siiyey ayaa lagu wareejiyey wasaaradda caddaaladda dowladda Puntland si loogu diro dalkoodii.

Sidoo kale maxkamaddu waxay xorriyadoodii siisay 6 dhallinyaro ah oo aan gaarin da’da qaan-gaarka. Dhalinyaradaan ayaa iyagana lagu wareejiyey wasaaradda caddaaladda, si loogu sameeyo dhaqancelin oo looga tirtiro xagjirnimada.

Gudoomiyaha maxkamadda ciidamada qalabka sidda iyo dambiyada culus ee dowladda Puntland G\sare Cabdifatax Xaaji Aadan ayaa sheegay in ajaanibtaan ay isku soo dhiibeen dawladda kadib markii ay kasoo baxsadeen kooxda Daacish.

PUNTLAND POST

The post Puntland oo siidaysay ajaanib iska soo dhiibay Daacish appeared first on Puntland Post.