Wasiirka Amniga Gudaha oo Kormeer Ku Tagay Hey’adda Socdaalka iyo Jinsiyadaha

[Deeq A.]

Wasiirka Amniga Gudaha Xukuumadda Federaalka Soomaaliya Mudane Cabdullaahi Sheekh Ismaaciil (Fartaag) ayaa kormeeray xarunta Dhexe ee Hay’adda Socdaalka iyo Jinsiyadda, halkaas oo uu kulammo kula qaatay Agaasinka iyo howl-wadeennada Hay’adda.

Kulamadaa is xog wareysiga ah ka dib Wasiirka ayaa kula dardaarmay Saraakiisha iyo Agaasinka Hay’adda Socdaalka iyo Jinsiyadda Soomaaliyeed in ay dar-dar galiyaan shaqooyinka muhiim ka ah ee ay u hayaan qaranka iyo shacabka Soomaaliyeed.

Hay’adda Socdaalka iyo Jinsiyadda Soomaaliya ayaa kamida laamaha ugu muhiimsan ee dowladda, waxayna u xilsaarantahay hubinta cid kastoo dalka soo galaysa ama ka baxaysa iyo bixinta baasaboorka safarka

Source: goobjoog.com