Madaxweyne Deni oo Maamul ku meel gaar ah u magacaabay degmada Gaalkacyo

[Deeq A.]

Gudoomiyaha cusub ee Gaalkacyo

Madaxweynaha dowladda Puntland Siciid Cabdullaahi Deni ayaa degmada Gaalkacyo si ku meel gaar ah ugu magacaabay Guddoomiye iyo Guddoomiye ku xigeenka cusub kadib markii uu Caawa kala diray Golihii Degaanka Gaalkacyo.

Madaxweyne Deni wuxu Maxamuud Cabdinuur Aaden si ku meel gaar ah ugu magacaabay Guddoomiyaha degmada Gaalkacyo halka ku xigeenkiisana u magacaabay Shaafici Cabdullaahi Xaashi sida ku cad dikreeto ka soo baxday Xafiiska Madaxweynaha.

Hoos ka akhriso Dikreetada

Madaxweynaha Dowladda Puntland Mudane Siciid Cabdullaahi Deni ayaa Xeer Madaxweyne Lr – 02, ku magacaabay Guddoomiye iyo Guddoomiye ku-xigeenka Degmada Gaalkacyo

Madaxweynaha Dowladda Puntland

Markuu arkay: Dastuurka Dowladda Puntland qodobkiisa 80-aad

Markuu arkay: aqoontooda iyo waayo aragnimadooda shaqo

Markuu tixgeliyey: talo soo jeedinta Wasaaradda Arrimaha Gudaha, Federaalka iyo Dimuquraadiyeynta Dowladda Puntland

Wuxuu xeeriyey

1. Waxaa Maxamuud Cabdinuur Aadan loo magacaabay Guddoomiye kumeel-gaar ah ee Degmada Gaalkacyo

2. Waxaa Shaafici Cabdullaahi Xaashi loo magacaabay Guddoomiye Ku-xigeen kumeel-gaarka ah ee Degmada Gaalkacyo

3. Xeerkan wuxuu dhaqan gelayaa markuu Madaxweynuhu saxiixo, wuuna saxiixay Madaxweynuhu

PUNTLAND POST

The post Madaxweyne Deni oo Maamul ku meel gaar ah u magacaabay degmada Gaalkacyo appeared first on Puntland Post.