Xarunti diiwan-gelinta Cod-bixiyaasha Somaliland ee Laascaanood oo qarax lagu burburiyay

[Deeq A.]

Wararka ka imaanaya magaalada Laascaanood ee xarunta Gobolka Sool, ayaa sheegaya in caawa qarax xooggan lagu weeraray xarun Somaliland halkaas ka samaysay, oo loogu tala-galay diiwaan-gelinta Cod-bixiyaasha Somaliland.

Qaraxa oo jugtiisa laga maqlay xaafadaha kala duwan ee Laascaanood, ayaa gebi ahaanba burburiyay xaruntii diiwaan-gelinta Cod-bixiyaasha Somaliland, waxaana ku dhaawacmay askar ka tirsan ciidamada Maamulka.

Xaalad khalkhal ah, ayaa haatan ka jirta goobta wax ka dhaceen, waxaana durbadiiba halkaas isku wareejiyay ciidamo ka tirsan Somaliland. Goob-joogayaal ayaa sheegaya in Qaraxaas uu ahaa mid gacanta laga tuuray oo Bambaano.

Weli ma jirto cid sheegatay mas’uuliyadda Qaraxa oo cabsi ku abuuray shacabka, oo ka walwalsan in la beegsado, haddii ay tageen goobaha diiwaan-gelinta Cod-bixiyaasha Somaliland.

PUNTLAND POST

The post Xarunti diiwan-gelinta Cod-bixiyaasha Somaliland ee Laascaanood oo qarax lagu burburiyay appeared first on Puntland Post.