Taliska ciidanka Booliiska oo ka hadlay dagaal ka dhacay Kaaraan

[Deeq A.]

Taliska ciidamada Booliiska Soomaaliyeed ayaa si adag uga hadlay dagaal khasaare geystay oo shalay ka dhacay xarunta degmada Kaaraan ee gobolka Banaadir.

Afhayeenka ciidamada Booliiska Sadiiq Adan Cali (Duudishe) oo la hadlay warbaahinta ayaa sheegay in dagaalkaasi ay soo qaadeen rag burcad ah oo hubeysan, kuwaas oo uu tilmaamay in haatan ay ku raad joogaan ciidamada ammaanka ee dowladda Soomaaliya.

Sadiiq Adan Cali ayaa sidoo kale tilmaamay in dagaalkaasi lagu dilay Ex- Dable Booliis Ciise Xasan Cismaan iyo Dable Boolis Caamir Cabdullaahi Xiirey.

“Shalay 23-kii December abaare saddexdii galabnimo waxa ay burccad hubaysani soo weerartay xarunta degmada Kaaraan, halkaas ayeyna dileen qof shacab ah iyo laba xubnood oo ciidanka Booliska ka tirsan oo lagu kala magacaabi jiray EX Dable Ciise Xasan Cisman iyo Ex Dable Caamir Cabdullahi Xiireey ciidmadan ayaana shaqo maalmeed koodii qaranka ku jiray, hay’adaha ammaanka ayaana ku daba jira sharcigana ayaana horgeyn doona,” ayuu yiri afhayeenka ciidamada Booliiska Soomaaliyeed, Dhamme Sadiiq Adan Cali.

Xaaladda degmada Kaaraan ayaa muddooyinkii dambe aheyd mi kacsan, iyada oo ay ka dhaceen iska hor imaadyo sababay khasaare isugu jira dhimasho & dhaawac.

View the full article