Wasiirka Arrimaha Dibadda Soomaaliya oo kulan gaar ah la yeeshay Danjire Tarsan

[Deeq A.]

Wasiirka Arrimaha Dibadda Xukuumadda Federaalka Soomaaliya Maxamed Cabdirisaaq Maxamuud Abuubakar, ayaa maanta oo Isniin ah kula kulmay xafiiskiisa Safiirka Soomaaliya u qaabilsan waddanka Kenya Maxamuud Axmed Nuur Tarsan.

War lagu daabacay Bogga Wasaaradda Arrimaha Dibadda Soomaaliya, ayaa lagu sheegay in Wasiir Abubakar uu talooyin iyo tilmaamo siiyay Safiirka, si uu u fuliyo, lana socdo, halka Danjire Maxamuud Tarsan uu wasiirka uga warbixiyay xaaladihii ugu dambeeyay ee xiriirka Soomaaliya iyo kenya.

Waxaa xusid mudan, in Wasaaradda Arrimaha Dibadda ay shalay u yeeratay Danjire Tarsan,  halka Safiirka Kenya ay ku wargelisay in uu dib ugu laabto dalkiisa, kadib markii ay Kenya ku eedaysay in ay fara-gelin ku hayso  arrimaha gudaha Soomaaliya gaar ahaan Jubbaland.

PUNTLAND POST

The post Wasiirka Arrimaha Dibadda Soomaaliya oo kulan gaar ah la yeeshay Danjire Tarsan appeared first on Puntland Post.