Iska Hor-imaad Ka Dhacay Magaalada Paris Ee Dalka Faransiiska

[Deeq A.]

(SLT-Paris)-Booliiska Faransiiska ayaa qaab xoog ah oo dad badani ku tilmaameen arxan darro ku dumiyey, xeryo qaxooti oo buulal ka sameysan kuna yaallay badhtamaha mgaaalada Paris.

Iska hor-imaad ayaa ka dhex dhacay ciidammadii ammaanka iyo muhaajiriintii halkaasi ku sugneyd, waxa iyaguna goobta joogay dad taageeraya dadka qaxootiga ah.

Wasiirka arrimaha gudaha ee faransiiska Gérald Darmanin ayaa fariin uu ku qorey bartiisa twitter-ka ku tilamaamay muuqaalada warbaahintu baahisay wax laga naxo, waxaanu ku amrey in ay booliisku warbixin buuxda kasoo bixiyaan siddii ay wax u dhacdeen.

Source