Mas’uuliyiin ka tirsan maamulka gobolka Hiiraan oo doonni kula qallibantay fatahaadda webiga Shabeelle

[Deeq A.]

Warar ka imaanaya magaalada Beledweyne ee xarunta gobolka Hiiraan, ayaa sheegaya in halkaasi goor dhoweyd ay doonni kula rogmatay mas’uuliyiin ka tirsan maamulka gobolka Hiiraan iyo kan degmada Beledweyne.

Duqa degmada Beledweyne, Safiyo Xassan Sheikh Cali iyo guddoomiyihii hore ee gobolka Hiiraan, Cabdifitaax Xassan Afrax oo ay weheliyaan 15 qof oo kale, ayaa la soo sheegaya in la la’yahay, kadib markii doonni ay saarnaayeen kula rogmatay fatahaadda webiga Shabeelle.

Mas’uuliyiinta oo ka baxay degmada Beledweyne, ayaa sida la sheegayo ku sii jeeday degaanka Ceel-jaalle oo ay ku nool yihiin qoysas fatahaadda webiga Shabeelle uga barakacay magaalada Beledweyne.

Balse, inta aysan halkaasi gaarin waxa la qallibantay doontii ay saarnaayeen, iyadoo ilaa iyo haatan mas’uuliyiintaasi la la’yahay raq iyo ruuxba.

PUNTLAND POST

The post Mas’uuliyiin ka tirsan maamulka gobolka Hiiraan oo doonni kula qallibantay fatahaadda webiga Shabeelle appeared first on Puntland Post.