Dhageyso: Prof. SAMATAR oo fallanqeyn yaab badan ka bixiyey ceyrinta Gabre

[Deeq A.]

Muqdisho (Caasimada Online) – Col. Gebregziabher Alemseged Abraha, oo ay Soomaalida ay u taqaan Jeneral Gabre ayaa shalay laga ceyriyey xilkii uu ka hayey urur goboleedka IGAD, ee ahaa la-taliyaha sare ee arrimaha siyaasadd ee xoghayaha fulinta IGAD.

Warqad uu ku saxiixan yahay xoghayah guud ee IGAD Maxbuub Macallin, ayaa lagu sheegay in maanta iyo wixii ka dambeeyey Gabre uusan u shaqeyn IGAD.

Warqadda ayaa waxaa sidoo kale Gabre looga codsaday inuu wixii ka horeeya shalay 2:30 xilliga geeska afrika soo wareejiyo dhamaan wixii qalab iyo hanti ah ee IGAD ee leedahay ee uu gacanta ku hayo.

IGAD ayaa maanta Gabre kusoo daabacday qeybta ogeysiiska wargeyska Daily Nation ee ah kan afka dheer dalka Kenya, ayada oo laga digayo in la iska ilaaliyo ninkan, oo ah nin Soomaalida ay aad u nacday.

Qoraalka lagu daabacay Daily Nation, oo IGAD ay lacag ku bixisay ayaa lagu yiri “Waxaa la idinku war-gelinayaa in ninka kor ku xusan uusan hadda iyo wixii ka dambeeya u shaqeyn IGAD, sidaas darteed uusan sharciyad u haysan inuu IGAD ku matalo wax ganacsi ah. Wixii uu geysto IGAD mas’uul kama noqon doonto”

Prof. Cabdi Ismaaciil Samatar ayaa wax yaab leh ku tilmaamay in Gabre shaqada laga ceyriyo islamarkaana dhammaan howlihii IGAD laga joojiyo hal maalin gudaheed, ayada oo sida caadada ah aan waqti la siin, taasina ay tilmaameyso arrin weyn oo dadka aysan ogeyn balse jirta.

Hoos ka dhageyso wareysiga Prof. Samatar

https://www.caasimada.net/wp-content/uploads/2018/06/b841bdae-fe63-4ab2-a878-c2d6c0711a9f_48k.mp3

Caasimada Online
Xafiiska Muqdisho
Caasimada@live.com