Dagaal khasaaro ka dhashay oo Muqdisho ku dhexmaray ciidamo kawada tirsan dowlada

[Deeq A.]

Muqdisho (Caasimada Online)-Dagaal u dhaxeeyay ciidamo ka wada tirsan dowladda Federaalka ayaa waxa uu maanta ka dhacay magaalada Muqdisho, gaar ahaan Xaafada aaga Xerada 77 oo ku taalla degmada deeyniile ee Gobolka Banaadir.

Dagaalka oo muddo socday ayaa waxa ay labada ciidan isku adeegsadeen Hubka noocyadiisa kala duwan, waxa uuna dagaalka yimid kadib markii ay kala shakiyeen.

Dadka deegaanka ayaa sheegay in ciidamo ka tirsan dowlada ay si lama filaan ah dhexda uga dhaceen ciidamo kale oo aag ku jiray, waxaana sidaa ku bilowday dagaalka.

Dagaalka ayaa waxaa ka dhashay khasaaro kala duwan oo soo kala gaaray labada ciidan, waxaana lasoo sheegayaa in khasaaraha dhimasho uu gaarayo laba askari, halka dhaawacana uu ku dhow yahay afar.

Sidoo kale, dagaalada u dhexeeya ciidamada dowlada ayaa ku soo beegmaaya xili maleeshiyaadka al-Shabaab ay ku mashquulsan yihiin carqaladeynta amniga, halka ciidamaduna ay yihiin kuwo iyaga un is arka.

Maalmihii ugu danbeeyay waxaa magaalada Muqdisho kusoo badanaayay weeraro ismiidaamin iyo dilal kala ceyn ah oo dhamaantooda lala eeganaayo dadka shacabka ah.

Caasimada Online

Xafiiska Muqdisho

Caasimada@live.com