Djibouti delegation arrived in Hargeisa to celebrate Somaliland statehood anniversary.

[Xaaji Xunjuf]

Madaxweyne Ismaaciil Cumar Geelle oo wefti balaadhan u soo diray Xuska 18 ka May ee Madax banaanida Somaliland

 

Hargeysa(Waaheen) Madaxweynaha Jamhuuriyada Jabuuti Md. Ismaaciil Cumar Geelle ayaa wefti balaadhan oo goob joog ka noqda u soo diray munaasibada sanad guurada 20-aad ee ka soo wareegtay dib ula soo noqoshadii Madax banaanida Somaliland oo maalinta bari ah si weyn looga xusayo dalka gudihiisa iyo dibadiisaba.

 

Weftigan ka socda dalka Jabuuti waxa Hoggaaminaya Wasiirkii hore ee Gaashaan dhiga Jabuuti Aougure Kisle, waxaana xubno ka ah Guddoomiyaha Baanka dhexe ee Jabuuti Jaamac Maxamuud Xayd, Xildhibaano ka tirsan Baarlamaanka Jabuuti Iyo Ganacsato reer Jabuuti ah.

 

Weftigan waxa madaarka Magaalada Hargeysa ku qaabilay Wasiirka Wasaaradda Arrimaha Dibada Somaliland Dr. Maxamed Cabdilaahi Cumar, waxaanu xukuumadda jabuuti uga mahad celiyay weftigan ay u soo dirtay inay ka qeyb galaan sanad guurada 20-aad ee dib ula soo noqoshada madax banaanida Somaliland.

[Xaaji Xunjuf]

Wefti Balaadhan Oo Uu Hogaaminayo Wasiirkii Hore Ee Gaashaandhiga Dawladda Djabuuti Oo Galabta Soo Gaadhay Caasimadda Hargeysa, Si Ay Barri Uga Qayb-galaan Xuska 20-guurada Madax-banaanida Somaliland.

 

Hargeysa (Ramaas) May 17,0211 – Wefti uu hogaaminayo wasiirkii hore ee gaashaandhiga dawladda jamhuuriyadda Djabuuti oo ka qayb-galaya xuska sanad-guuradda 20-aad ee ka soo wareegtay madax-banaanida Somaliland ayaa galinkii dambe ee maanta ka soo degay Garoonka diyaaradaha ee Magaalada Hargeysa.

 

Weftigan uu hogaaminayay wasiirkii hore ee difaaca Djabuuti Md Ugure Gifle Axmed oo ay ka mid yihiin ganacsato, xildhibaano iyo guddoomiyaha baanka Djabuuti ayaa waxa madaarka diyaaradaha ku soo dhaweeyay masuuliyiin ka tirsan xukuumadda Somaliland oo uu horkacayay wasiirka arimaha dibada Somaliland Md Maxamed Cabdilaahi Cumar.

 

Weftigan oo hadda la dejiyey huteelka Maansoor ee caasimadda Hargeysa, ayaa ka hor intii aanay ka soo bixin madaarka waxa ay u warameen warbaahinta dalka, waxayna sheegeen in ujeedada ay Somaliland u yimaadeen tahay sidii ay uga qayb-gali lahaayeen xuska sanad-guurada 20-aad ee madax-banaanida Somaliland oo ku beegan maalinta barri ah 18-ka bisha May.

 

Wasiirkii hore ee gaashaandhiga Djabuuti Mr Ugure Gifle Axmed oo isagu ah hogaamiyaha weftiga reer Djabuuti ayaa sheegay inay Somaliland ku yimaadeen marti-qaad rasmi ah oo Madaxwaynaha Somalilad u diray Madaxwaynaha Djabuuti Md Ismaaciil Cumar Geelle, isla-markaana Madaxwayne Geelle iyagga oo soo wakiishay inay ka qayb-galaan xuska 18-ka May.

 

Weftigan reer Djabuuti ee maanta galinkii dambe ka soo degay madaarka Hargeysa, oo si rasmi ah uga qayb-gali doona xuska, ayaa waxa ay yihiin weftigii ugu horeeyay ee ka socda wadamada jaarka la ah Somaliland ilaa hadda soo gaadha caasimadda Hargeysa inta la og-yahay, iyadda oo la filayo in dalalka Kenya iyo Itoobiya-na wufuud u soo diraan xafladda xuska 18-ka May oo Somaliland sanadkan looga xusayo si aan hore loo arag, ila-markaana sanadkan hal ku dhig looga dhigay (ICTIRAAF), kaas oo bulshadda Somaliland meel ay joogaanba beesha caalamka kaga dalban doonaan aqoonsi, maadaama oo ay muddo 20 sanadood ah ku naaloonayeen nabadgalyo iyo horumar muuqda oo guud ahaan beesha caalamku ka makhraati kacday.

 

Ramaasnews Desk

 

Hargeisa

[Somalina]

Siilaanyo wuu diidey, Geele-na wuu diidey, sidaasi awgeedna wey is diideen. Maya maya.

[Xaaji Xunjuf]

Somalina;720240 wrote:

Siilaanyo wuu diidey, Geele-na wuu diidey, sidaasi awgeedna wey is diideen. Maya maya.

LOOOOLL

[OdaySomali]

there are too many useless delegations these days

[Jacaylbaro]

Let's Rock n Roll babe ......................