Deni oo u safray Imaaraadka, xilli DFS soo saartay go’aan ka dhan ah dowladda Dubai

[Deeq A.]

Madaxweynaha Puntland Siciid Cabdullaahi Deni ayaa maanta galinkii dambe safar ugu baxay dalka Isutaga Imaaraadka Carabta oo saaxiib dhow la ah Puntland.

Madaxweyne Deni oo ka dhoofay garoonka diyaaradaha magaalada Garowe ayaa siimaraya magaalada Addis Ababa ee dalka Itoobiya, halkaas oo uu uga sii gudbi doono magaalada Dubai.

Safarka Madaxweyne Deni ayaa ku soo aaday, iyada oo maanta Dowladda Federaalka Soomaaliya ay meesha ka saartay heshiiskii ay hore u wada galeen Soomaaliya iyo Imaaraadka, kuwaas oo qaar ka mid ah taabanayaan Puntland, sida heshiiska amni ee ay ku taageeraan ciidamada PMPF iyo heshiiska dekedda Boosaaso.

Sanadkii tagay ee 2025, marar kala duwan ayuu Madaxwaynaha Puntland socdaal ku tegay dalka Isutaga Imaaraadka Carabta, safaradaas oo aysan jirin cid ku wehelisay iyo war laga soo saaray.

Madaxweyne Siciid Den ayaa safarkii ugu dambeeyay Imaaraadka kaga yimid saddexdii bishan Jannaayo, wuxuu kanina noqonayaa safarkii u horreeyay ee uu ku tago sanadka cusub ee 2026.

PUNTLAND POST