Madaxweyne Cirro oo 𝐤𝐮𝐥𝐚𝐧 𝐥𝐚 𝐲𝐞𝐞𝐬𝐡𝐚𝐲 𝐋𝐨𝐫𝐝 𝐌𝐚𝐲𝐨𝐫-𝐤𝐚 𝐌𝐚𝐠𝐚𝐚𝐥𝐚𝐝𝐚 𝐒𝐡𝐞𝐟𝐟𝐢𝐞𝐥𝐝 𝐞𝐞 𝐝𝐚𝐥𝐤𝐚 𝐁𝐨𝐪𝐨𝐫𝐭𝐨𝐨𝐲𝐚𝐝𝐚 𝐈𝐧𝐠𝐢𝐫𝐢𝐢𝐬𝐤𝐚 (𝐔𝐊).

[Deeq A.]

𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝 𝐨𝐨 𝐤𝐮𝐥𝐚𝐧 𝐥𝐚 𝐲𝐞𝐞𝐬𝐡𝐚𝐲 𝐋𝐨𝐫𝐝 𝐌𝐚𝐲𝐨𝐫-𝐤𝐚 𝐌𝐚𝐠𝐚𝐚𝐥𝐚𝐝𝐚 𝐒𝐡𝐞𝐟𝐟𝐢𝐞𝐥𝐝 𝐞𝐞 𝐝𝐚𝐥𝐤𝐚 𝐁𝐨𝐪𝐨𝐫𝐭𝐨𝐨𝐲𝐚𝐝𝐚 𝐈𝐧𝐠𝐢𝐫𝐢𝐢𝐬𝐤𝐚 (𝐔𝐊).

Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), ayaa maanta kulan la yeeshay Lord Mayor-ka Magaalada Sheffield ee dalka Ingiriiska, Marwo Safiya Saeed (Safiya Berberaawi). Kulanka waxa lagu falanqeeyey xoojinta xiriirka taariikhiga ah, iskaashiga horumarineed iyo wada-shaqaynta labada dhinac.

Madaxweynuhu waxa uu Marwo Safiya Saeed uga mahad naqay booqashada ay ku timid Somaliland, isaga oo xusay kaalinta muhiimka ah ee ay bulshada reer Somaliland ee ku nool magaalada Sheffield ku leeyihiin horumarka Somaliland. Madaxweynuhu waxa kale oo uu bulshada Somaliland ee Sheffield ku ammaanay sida ay u noqdeen biriij isku xidha Somaliland iyo dalka Ingiriiska, iyaga oo mar kasta difaaca xuquuqda jiritaan iyo qadiyadda Somaliland.

Madaxweynaha Jamhuuriyadda Somaliland waxa uu xusay in Sheffield ay ahayd magaaladii ugu horreysay ee ku dhawaaqda aqoonsiga Somaliland sanadkii 2014-kii, taasi oo ahayd tallaabo geesinnimo leh oo sii xoojisay xidhiidhka shacabka Somaliland iyo magaalada Sheffield, taasoo ku dhiirrigelisay in magaalooyin kale oo waaweyn oo ka tirsan Boqortooyada Ingiriiska ay ku dhawaaqaan aqoonsiga Somaliland.
Iyaduna dhankeeda, Marwo Lord Mayor Safiya Saeed waxa ay

Madaxweynaha uga mahad naqday qaabilaada, iyada oo kala hadashay arrimo muhiim ah oo la xidhiidha xagga horumarka, Waxbarashada iyo iskaashiga bulshada. Waxa ay si gaar ah u tilmaantay kaalinta muhiimka ee ay haweenku ku leeyihiin dhismaha Qaranka JSL iyo sida loogu baahan yahay in la xoojiyo korna loo qaado ka qaybgalka Haweenka ee arrimaha siyaasadda iyo maamulka Dawliga ah.

Waxa ay ballan qaaday in Golaha Deegaanka ee Sheffield ay sii wadi doonaan ka shaqaynta qadiyadda Somaliland isla markaana ay sii adkayn doonaan xiriirka wada-shaqayneed ee Somaliland, gaar ahaan dhinacyada waxbarashada, caafimaadka, maalgashiga iyo iskaashiga bulshada.

𝐀𝐋𝐋𝐀𝐀 𝐌𝐀𝐇𝐀𝐃 𝐋𝐄𝐇
𝐗𝐮𝐬𝐞𝐞𝐧 𝐀𝐚𝐝𝐚𝐧 𝐂𝐢𝐠𝐞 (𝐃𝐞𝐲𝐫)
𝐀𝐟𝐡𝐚𝐲𝐞𝐞𝐧𝐤𝐚 𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝

Qaran News