Baarlamaanka Puntland oo Xilka Ka Xayuubiyay Xildhibaan Cabdirashid Yuusuf Jibriil

[Deeq A.]

Golaha Wakiillada Dowladda Puntland ayaa maanta si rasmi ah xilka uga qaaday Xildhibaan Cabdirashid Yuusuf Jibriil, oo xilligan qeyb ka ah shirka siyaasadeed ee ka socda magaalada Laascaanood.

Fadhiga 16-aad ee Kalfadhiga 56-aad oo uu shir-guddoomiyay Guddoomiyaha Golaha Wakiillada, Mudane Cabdirisaaq Axmed Siciid, oo ay garab fadhiday Guddoomiye ku-xigeenka 2-aad, Mudane Maxamed Maxamuud Ciise, ayaa looga dooday una codeeyay arrinta ka xubnaanta Golaha laga saaray Xildhibaanka.

Xildhibaanada Golaha Wakiillada waxay cod aqlabiyad leh ku ansixiyeen aqbalaadda luminta xubinnimada Golaha ee Xildhibaan Cabdirashid Yuusuf Jibriil, waxaana sidaan u codeeyay:

38 Xildhibaan oo oggolaaday,

1 Xildhibaan oo diiday,

4 Xildhibaan oo ka aamusay.

Go’aankan ayaa imaanaya xilli Cabdirashid Yuusuf uu qeyb ka yahay shirka ka socda Laascaanood, islamarkaana uu horay uga tagay xilka Xildhibaano. Wuxuu horay usoo noqday Gudoomiyaha Baarlamaanka Puntland.

Source: goobjoog.com