Madaxweyne Donald Trump oo ku dhawaaqay in Israa’iil iyo Iiran xabbad-joojin ka gaareen dagaalkii labada dhinac

[Deeq A.]

Madaxweynaha Mareykanka, Donald Trump ayaa xalay ku shaaciyay bartiisa Truth Social in Iiraan iyo Israa’iil ay ku heshiiyeen xabbad-joojin buuxda, taasoo billaaban doonta 6 saacadood gudahood, marka labada dhinac ay dhammeeyaan howlgalladooda ugu dambeeya.

Xabbad-joojintu waxay socon doontaa 12 saacadood, ka dibna dagaalka waxaa si rasmi ah loogu aqoonsan doonaa inuu dhammaaday, sida uu sheegay Madaxweyne Donald Trump oo warkaasi shaaciyay.

Sarkaal-sare oo ka tirsan dowladda Iiraan ayaa u sheegey Reuters; In Iiraan oggolaatay xabbad-joojinta dagaalka oo uu soo jeediyey Mareykanku, dowladda Qadar ayaa sidoo kale door dhexdhexaadin ah ka qaadatay xabbad-joojinta dagaalka Israa’iil iyo Iiraan ee uu ku dhawaaqay Trump.

Ra’iisul Wasaaraha Israa’iil Netenyaahu ayaa dhankiisa u sheegey Wasiiradiisa in aysan ‘wax falcelin ah’ ka samayn xabbad-joojinta dagaalka labada dhinac, taasi oo loo fasirtay in ay dhab ahaan u ogolaadeen xabbad-joojinta.

PUNTLAND POST

The post Madaxweyne Donald Trump oo ku dhawaaqay in Israa’iil iyo Iiran xabbad-joojin ka gaareen dagaalkii labada dhinac appeared first on Puntland Post.