Booliska SSC-Khaatumo oo gacanta ku dhigay 23 nin oo ku eedeysan fal kufsi ah

[Deeq A.]

Taliska Ciidanka Booliska SSC-Khaatumo ayaa maanta si rasmi ah u soo saaray war-saxaafadeed hordhac ah oo la xiriira dhacdo naxdin leh iyo jirdil foolxun ah oo ka dhacday magaalada Laascaanood, habeenkii Jimcaha 14-ka Juun 2025, abaare 10:30 fiidnimo.

Dhacdadan xanuunka leh ayaa lagu eedeeyey 24 ruux oo dhalinyaro ah, kuwaas oo lagu tuhunsan yahay in ay si wadareed ah u kufsadeen una jirdileen laba hablood oo da’yar ah.

Booliska SSC-Khaatumo waxay sheegeen in muddo 48 saacadood gudahood ah gacanta lagu dhigay 23 ka mid ah eedeysaneyaasha, halka mid kalena wali baadi-goobkiisu socdo.

Taliska ayaa sidoo kale ka hadlay warar baraha bulshada lagu faafiyey oo sheegaya in mid ka mid ah eedeysaneyaasha uu ka qeyb galay imtixaanka shahaadiga ah.

Boolisku waxay caddeeyeen in wiilkaasi uu la daganaa eedeysaneyaasha kale, ayna wali baaritaankiisu socdo si cadaalad ahna loo wajahayo arrintiisa.

Source: goobjoog.com