Dowladda Soomaaliya oo war ka soo saartay dagaalkii ciidanka xoogga iyo kuwa Jubbaland

[Deeq A.]

Dowladda Soomaaliya oo war ka soo saartay dagaalkii dhex maray ciidanka xoogga dalka iyo kuwa maamulka Jubbaland ayaa sheegtay in weerar lagu soo qaaday ciidanka qaranka oo isku diyaariyay in la wareegaan goobo ay ka bexeen howlgalka ATMIS.

War saxaafadeedka ay soo saartay dowladdu ayaa lagu yiri “Subaxnimadii hore ee saaka ayaa koox ka tirsan Ciidanka Jubaland oo uu si qaldan u isticmaalay axmed Madoobe waxaa ay soo weerareen fariisin Ciidanka Xoogga Dalka iyo daraawiishta jubaland ay Ku leeyihiin Gobalka Jubada Hoose.

Ciidamada uu soo weeraray Axmed Madoobe ayaa ahaa Ciidan halkaas loo geeyay in ay Kala wareegaan Saldhigyo ay dhawaan ka baxeen Ciidanka Atmis sidoo kalana isu diyaarinayay hawlgallo ka dhan ah Khawaarijta.

Dhinaca kale Wasaaradda Gaashaandhigga ayaa si gaar ah ula socota Qorshe uu Axmed Madoobe xiriir kula sameeyay Khawaarijta taas oo keentay in Khawaarijtu u ogolaato in Kooxaha uu soo abaabulay ee duullaanka Ku ah Ciidamada Qaranka ay soo dhexmaraan Maleeshiyaadka Khawaarijta ah”

Warka qoraalka ah ee ay dowladdu soo saartay waxaa lagu soo gabangabeeyay “Ficilada Qaran-dumiska ah waxa uu Ku mutaysandoonaa ciqaab Sharci oo adag”, taas oo u muuqata farriinka ku socata hoggaanka Jubbaland.

Source: goobjoog.com