Madaxweynaha Falastiin oo si KMG ah u magacaabay ninkii isaga beddeli lahaa haddii uu xilka banneeyo

[Deeq A.]

Madaxweynaha Falastiin Maxamuud Cabbaas ayaa KMG ah u magacaabay ninkii isaga beddeli lahaa haddii uu geeriyoodo ama is casilo.

Bayaan uu soo saaray ayuu Cabbaas ku sheegay in guddoomiyaha Golaha Qaranka Falastiin uu si ku meel gaar ah u hayn doono xilka, wax aan ka badan 90 maalmood, xilligaasi oo ay tahay in la qabto doorasho madaxweyne.

Guddoomiyaha hadda ee guddiga ugu sarreeyaa go’aan gaarista Falastiin waa Rawhi Fattouh, oo 75 jir ah, oo sidoo kale muddo kooban soo noqday hoggaamiye ku-meel gaar ah ka dib geeridii Yaasir Carafaat ee 2004.

Cabbaas, oo 89 jir ah, waxa uu ahaa madaxweynaha Falastiin tan iyo 2005, waxaana sannadihii u dambeeyay uu wajahayey dhibaatooyin caafimaad oo joogto ah, taasi oo keentay in la isla dhex maro cidda beddeli karta haddii uu meesha ka baxo.

PUNTLAND POST

The post Madaxweynaha Falastiin oo si KMG ah u magacaabay ninkii isaga beddeli lahaa haddii uu xilka banneeyo appeared first on Puntland Post.