Diyaaradda Daallo Airline oo saaka si toos ah uga degtay garoonka diyaaradaha Boosaaso

[Deeq A.]

Wararka ka imaanaya garoonka diyaaradaha magaalada Boosaaso ayaa sheegaya in saaka ay halkaasi ka degtay diyaarad kuwa rakaabka qaada ah.

Diyaaradda Daallo Airline oo shalay ka baaqatay garoonka diyaaradaha Boosaaso ayaa saaka xilli hore ka degtay garoonka sida ay xaqiijinayaan warar lagu kalsoon yahay.

Diyaaradda Daallo Airline ayaa sida la sheegayo saaka garoonka diyaaradaha Boosaaso ka qaaday rakaab ku wajahan magaalooyinka Muqdisho iyo Nairobi.

Arrintani ayaa imaanaysa xilli ay soo baxayeen warar ku saabsan in uu xirmay garoonka diyaaradaha Boosaaso kadib digniintii ka soo baxday ciidamada PSF.

Waxaase wararkaasi xalay beeniyay wasaaradda Duulista hawada iyo garoomada Puntland oo sheegtay in garoonku si caadi ah u shaqaynayo amnigiisuna sugan yahay.

PUNTLAND POST

The post Diyaaradda Daallo Airline oo saaka si toos ah uga degtay garoonka diyaaradaha Boosaaso appeared first on Puntland Post.