In ka badan 300,000 oo dibad-baxayaal taageersan Falastiin ayaa isugu soo baxay London

[Deeq A.]

In ka badan 300,000 oo dibad-baxayaal taageersan Falastiin ayaa isugu soo baxay waddooyinka bartamaha London Sabtidii, taasoo keentay in ka badan 120 la xiro iyadoo booliisku ay ka shaqeynayaan inay ka hortagaan dibad-baxayaasha midigta fog inay carqaladeeyaan isu soo baxan weyn.

Xiisada ayaa cirka isku sii shareertay kadib markii ay isku dhaceen ciidamada booliska iyo kooxaha midigta fog, kuwaas oo isugu soo baxay si ay uga soo horjeestaan banaanbaxa dhacayay maalinta xusuusta ciidamada qalabka sida oo ah sanad guuradii ka soo wareegatay dhamaadkii dagaalkii koowaad ee aduunka, markaas oo Britain ay xuseyso dadka dagaalkaas uga dhintay.

Ra’iisal wasaaraha, Rishi Sunak, wuxuu dhalleeceeyay rabshadaha ka dhacay goobta xusustii dagaal ee Cenotaph iyo sidoo kale waxa uu ku tilmaamay “taageerayaasha Hamas” ee ka qayb qaadanaya isu soo baxa weyn ee lagu eedeeyay inay ku kaceen dhaqan yahuud nacayb ah.

Xiisada ayaa cirka isku sii shareereysay ka hor socodkii sabtida oo ahaa kii ugu weynaa oo taxane ah oo taageero loogu muujinayo Falastiiniyiinta laguna codsanayo xabbad joojin ka dhacda Marinka Gaza – ka dib markii wasiirka arrimaha gudaha Suella Braverman ay ku tilmaantay “socodka naceybka” ee ay wadaan “koox isbaheystay”.

Inkasta oo ay codsiyo ka yimaaddeen saraakiisha dawladda, haddana booliiska magaalada London ayaa diiday in ay is-hortaagaan dibad-baxayaasha, iyaga oo arrintaa ku sababeeyey inaysan jirin caddaymo muujinaya inay jiraan rabshado halis ah, taas oo keentay in uu adkaado xiriirka gudaha ee qaar kamid ah saraakiisha dowlada.

Dhacdadaas ka dib, booliisku waxa ay sheegeen in la xiray 126, oo ay ugu horrayn ka koobnaayeen dibad-baxayaal garabka midig ah, kuwaas oo qaarkood lagu tilmaamay in ay ahaayeen kuwa “kooxda kubbadda cagta”.

Kaaliyaha Guddoomiyaha booliska Twist ayaa walaac qoto dheer ka muujiyay rabshadaha xad dhaafka ah ee mudaaharaadayaasha garabka midig kukacayaan ee ku wajahan ciidamada booliska, isaga oo iftiimiyay in la helay mindi iyo waxyaabo kale markii la baarayay.

Doodda ku saabsan mudaaharaadyada iyo booliiska ayaa sii xoogaystay ka hor socodkii sabtidii, taas oo gacan ka geysatay kor u kaca xiisaddaha bulshooyinka halkaa kunool.

In kasta oo isu soo baxan ballaaran ee Falastiiniyiinta lagu taageerayey uu ahaa mid nabdoon, haddana kooxo yaryar ayaa ka soo baxay socodkaas, iyadoo ku dhawaad 150 qof oo wejiga soo duubtay ay rashka ku tureen saraakiisha, taasoo keentay in la xiro. Baaritaanada dambiyada nacaybka iyo taageerada ururada halkaa la mamnuucay ayaa weli socda.

Isaga oo ka jawaabaya dhacdooyinkan, Raiisel wasaare Sunak wuxuu ku booriyay sharci fulinta inay qaadaan tillaabo adag oo ka dhan ah fal-dambiyeedka, isagoo carrabka ku adkeeyay baahida loo qabo in si buuxda oo degdeg ah sharciga loo fuliyo.

Maalintii oo dhan, iska hor imaadyada u dhexeeya booliiska iyo mudaaharaadayaasha garabka midig ayaa socday, iyadoo askarta gashan qalabka ka hortaga banaanbaxyada rabshadaha wata ay isku dayeen inay xakameeyaan dibadbaxayaasha oo tuurayay dhalooyin.

Duqa magaalada London Sadiq Khan iyo wasiirkii ugu horeeyay ee Scotland, Humza Yousaf, ayaa sheegay in Braverman ay sii hurisay xiisadda, isla markaana ay dhiiri gilisay kooxaha midigta fog, iyadoo ku eedeysay booliiska inay u xaglinayaan “kooxaha Falastiiniyiinta taageersan” ka hor dhacdada.

Booliisku waxay ku qiyaaseen in in ka badan 300,000 oo qof ay ka qaybqaateen isu soo baxa lagu taageerayo Falastiin, halka qabanqaabiyayaashuna ay sheegteen tiro dhan 800,000.

Qaar ka mid ah dibadbaxayaasha ayaa ku dhawaaqayay erayo ay ka mid yihiin “Laga soo bilaabo webiga ilaa badda, Falastiin waa xor,” halka qaar kalena ay soo bandhigeen boorar ay ku muujinayaan in Falastiin ay hesho xor iyo in la joojiyo rabshadaha Gaza.

Ka dib weerarkii Xamaas ee koonfurta Israa’iil, waxaa jiray taageero loo fidiyay Israa’iil iyo caro ka dhalatay jawaabtii milatari ee ay ka bixisay.

Dalka Maraykanka, boqollaal mudaaharaadayaal ah ayaa isugu soo baxay meel u dhow guriga madaxweyne Joe Biden ee Wilmington, Delaware, iyagoo dalbanaya xabbad-joojin waxayna muujinayaan inaysan ku qanacsanayn mowqifkiisa.

Dibadbaxyo kuwan la mid ah ayaa ka dhacay Brussels iyo Paris, halkaasoo kumannaan kun ay isugu soo baxeen bannaanbax ay ku taageerayaan Falastiin ayna ku baaqayeen in la joojiyo colaadda

Sources bbcsomali

Qaran News