Masaajid Ku Burburay Dalka Nigeria oo Dhimasho iyo Dhaawac Ka Dhalatay

[Deeq A.]

Muwaadiniinta iyo shaqaalaha samatabbixinta xirfadlayaasha ah ayaa sameeyay hawlgal samatabbixin ah ka dib dhacdada Jimcihii dalka Naigeria, kadib markii uu dumay Masaajid, xilli uu da’ayey Roob xooggan sida Booliisku shaaciyay.

Abaaro 8:30 habeenimo ayaa aaska dadkii ku dhintay burburka dhismahan lagu cibaadeysto kadib roobabka mahiigaanka ah ee ka socda qaybo kamida dalkaasi, waxaana jira khasaare xooggan oo dhimasho iyo dhaawac isugu jira.

Afhayeenka Boqortooyada Zazzau, Mallam Abdullahi Aliyu Qwarbai ayaa BBC u xaqiijiyay in siddeed qof la aasay, halka 21 kalena ay ku dhaawacmeen” Dadka dhintay waxaa ka mid ah qof indhoole ah iyo ilmo yar,” ayuu yiri Kwarbai.

Wararka ayaa sheegaya in saqafka sare ee Masjidka oo ku yaala dabaqa hoose uu soo dumay salaadii casar, waxaana wali socda dadaallada lagu baadi goobayo dad la maleynayo in ay ku jiraan dhismaha ku dumay Roobka Mahigaanka ah.

Muuqaal lasoo dhigay baraha bulshada ayaa muujinayay qasaaraha soo gaaray masjidka iyo in haatan uusan lahayn meel laga hargalo qorraxda, maamaada uu ka dumay qeybo badan una baahan yahay in dayactir lagu sameeyo sida la sheegayo.

Goobjoog News

Source: goobjoog.com