Lacag ururin loo sameeyay askarigii Faransiiska ah ee dilay wiilka Carbeed oo Cadho abuurtay

[Deeq A.]

 

Lacag ururinta loo sameeyay askariga dilay wiilkii dhowr iyo toban jirka ahaa taas oo rabashadihii ka dhashay ay ku baaheen dalka oo dhan ayaa ka careysiisay siyaasiyiin iyo dadka u ololeeya arrimaha bulshada.

Waxaa bilaabay lacag ururinta Jean Messiha oo hore la taliye ugu soo noqoday Marine Le Pen oo ah siyaasi garab midig.

Siyaasiga garab bidix, David Guiraud, ayaa bartiisa Twitter-ka ku qoray, “Waa fariin loo qaadanayo dil Carabta, waxaad noqonee maalqabeen, dowladana way iska daawaneysaa xanuunkan, iyada oo aan waxbana ka oraneyn, iyadoo labo maalmood gudahood ku xirtay ololeeye booliska ku gardarooday”.

Dhinacakale, olole dhaqaale loogu ururinayay qoyska wiilka la dilay, Nahel, ayaa waxyar kabadan 350,000 oo doolar halka qoyska askariga booliska lacagta loo ururiyay ay talaadadii gaartay 1.6 Milyan oo doolar taas oo aad uga badan tan qoyska dhibanaha, waxaana taas ka carooday dad badan oo Faransiis ah.

Rabshadaha Faransiiska waxaa sii huriyay takoor joogto ah

Rabshadaha oo ka dhashay dilkii Nahel M. oo 17 jir ahaa asalkiisuna ka soo jeeday Algeria ayaa gilgilay Faransiiska oo dhan. Xasiloonidarada waxaa lagu tilmaamay mid aan hore loo arag.

Magaalada Marseille waxay gashay xaalad aad u adag. Galinka dambe marka la gaaro dadka shaqada degdeg ayey u dhameynayeen ka hor inta aan dukaamada iyo tareenada laga xiran.

Afhayeenada ururada booliska, kuwa falanqeeya sharciga iyo siyaasiyiinta waxay joogto isugu dayayeen inay sharaxaan sababta keentay rabshadaha.

Inkastoo booliska lagu dhaliilay dilka Nahel hadana rabshadihii dhacay kaddib dad badan waxay soo qaateen su’aalihii hore ee la xiriiray socdaalka Faransiiska.

Hadaba side jiilkii saddexaad iyo kii afaraad oo ah Faransiis awoowayaashoodu dalka yimaadeen u dhexgeli waayeen bulshada Faransiiska.

Dadka rabshadaha sameynaya ma oga in waxa ay burburinayaan yihiin hantidooda.

XIGASHADA SAWIRKA,REUTERS

Sidee cunsurinimada iyo Islaam Naceybka ugu lug leeyihiin carada dadka?

Toddobaadyo ka hor inta aysan toogashadu dhicin waxaa jiray dhowr tusaale oo ah warbaahinta waa weyn iyo syaasiyin hadallo carro leh u adeegsaday Musliiinta gaar ahaan dadka asalkoodu ka soo jeeda Algeria.

Bilowgii bishii hore, Edouard Philippe oo wasiir soo noqday ayaa wareysi uu bixiyay ku baaqay in dib u habeyn lagu sameeyo socdaalka dalka isagoo sheegay in dadka Faransiiska aysan u arag jiilalka awoowayaashoodu ay dalka yimaadeen inay Faransiis yihiin sababtuna waxay tahay “isdhexgalka” iyo “tacliinta”- waana in aragtidaan la dhageystaa. Wuxuu sidoo kale sheegay Mr. Philippe in dhibaato kale ay dadka Faransiiska ku qabaan soogalootiga ay tahay Islaamka.

Dhammaan waxyaabahan waxay sii hurinayaan dareenkaMuslimiin badan ihoy dadka ka soo jeeda waqooyiga Afrika ee Faransiiska ku nool qabaan ee ah inaan dalka looga baahneyn

Qaran News