Dad Lagu Dilay Weerar Ka Dhacay Kenya

[Deeq A.]

Booliiska dalka Kenya ayaa sheegay in shan qof lagu dilay weerar ka dhacay gobolka magaalo-xeebeedka Lamu oo ku dhow xadka Soomaaliya, kana tirsan gobolka Xeebta,  Waxay sheegeen in afar ka mid ah dadka la laayay la xiray kadibna qoorta laga jaray.

Al-Shabaab ayaa sheegatay weerarkan oo shalay dhacay. Waxay  sidoo kale dab qabadsiiyeen guryo la sheegay in ay ku  noolaayeen dad aan heysan diinta Islaamka.

Waxay sheegatay in tani ay jawaab u tahay go’aankii Kenya ay sannadkii 2011-kii ku sheegtay inay ciidamadeeda u dirtay Soomaaliya si ay ula dagaallamaan kooxdaas.

Goobjoog News

Source: goobjoog.com