Dagaalka Garoowe oo Khasaare Dhaliyay iyo Deni oo Madaxtooyada Ka Maqan

[Deeq A.]

Magaaladda Garowe ee caasimadda dowladda goboleedka ayaa waxaa wali ka socda dagaalka u dhaxeeya ciidan ka wada tirsan maamulka, kuwaas oo kala taabacsan  madaxtooyada iyo xoogagga mucaarada, isaga oo sababay khasaare kale oo dhimasho iyo dhaawac isugu jira.

Iskudhacaan labada dhinac ayaa yimid daqiiqado kadib markii golaha Wakiillada barqanimadii maanta ay ka dhawaajiyeen in laga doodayo furista dastuurka, kaas oo keenay khilaaf xoogga oo u dhaxeeya maamulka iyo xoogagga mucaaradka ah oo ka dhiyo diiday.

Inta la xaqiijiyay dagaalka maanta dhacay waxaa ku geeriyootay afar ruux, sida laga xaqiijiyay xarumaha kale duwan ee caafimaadka, warar aan la xaqiijin ayaa dhaawaca ku sheegaya ilaa 10  ruux meelo kale duwan ku waxyeeloobay waxaa ku jira ciidan.

Dagaalka xooggiisa ayaa ka dhacaya aagga xarunta Baarlamaanka, halkaas oo ciidanku ay isku horfadhiyaan, waxaana la isku adeegsanayaa hubka nuucyadiisa kale duwan, xaafadaha qaar ee magaalada waxaa ka socda barakac ay samaynayaan shacabka.

Wararka qaarkood ayaa waxaa ay sheegayaan in madaxweynaha dowlad goboleedka Puntland Siciid Deni uu xalay ku hoyday xerada ciidanka ee lagu magacaabo 54-aad oo ku taalla magaalada Garoowe ee gobolka Nugaal, waxaana wali kacsan xaaladda.

Isku dhacaan labada ciidan ayaa salka ku haya in muran ka dhashay doorashada madaxtinimada Puntland oo Siciid Deni uu sheegay in laga dhigayo doorasho qof iyo cod ah, isaga oo sheegay in la furayo dastuurka si muddada loogu kordhin loo helo.

Goobjoog News

 

Source: goobjoog.com