Al-shabaab oo dil ku fulisay shan nin oo ay ku eedaysay basaasiin

[Deeq A.]

Kooxda Al-shabaab ayaa sheegtay in ay xukun dil ah ku fulisay shan nin oo ay ku eedaysay basaasiin.

Fulinta dilka ayaa Khamiistii ka dhacay fagaare ku yaalla degaanka Kuunya-barrow ee gobolka Shabeellada hoose.

Shanta nin oo da’doodu u dhaxayso 28-52 sano ayay Al-shabaab ku eedaysay in ay basaasiin u ahaayeen Sirdoonka Soomaaliya iyo Maraykanka.

Al-shabaab ma soo bandhigin wax caddayn ah oo muujinaysa in shakhsiyaadka la toogtay ay basaasiin ahaayeen.

PUNTLAND POST

The post Al-shabaab oo dil ku fulisay shan nin oo ay ku eedaysay basaasiin appeared first on Puntland Post.