The devout welcoming of the new prime minister in Mogadisho.

[NASSIR]

Magacaabista Ra’isul-Wasaaraha Cusub, oo siheer sare ah looga soo dhaweeyey Muqdisho

 

 

 

Muqdishu, Khamiis, 04-Nov’04

 

 

 

Isla markii Fiidnimaddii Xalay ay Laanta Afka Soomaaliga ee Idaacadda BBC- du shaacisay in Prof. Cali Maxamed Geeddi loo doortay Ra’isul-Wasaaraha Cusub ee Dowladda Federalka ee Dalka Somalia, ayaa waxaa Damaashaad iyo Dabrid farxadeed laga dareemay inta badan Magaalladdan Muqdisho.

 

 

 

Gugaca Roobka iyo Dayaanka Sawaariikhda, ayeyna Reer Muqdisho fiidnimad- dii xalay kala garan waayeen, markii ay labadaa shanqar mar is-qabsadeen, iyadoo Dabridkaasi loo adeegsaday qoryaha fudud, Sawaariikhda Lidka Diyaaradaha ee Zuu-ga iyo Tarante Sataha.

 

 

 

Damaashaadka ugu badan, ayaa waxay ka dhacayeen Degmooyinka Wardhiig- ley,Boondheere,Yaaqshiid, Shibis, C/Casiis, Kaaraan ilaa iyo Dekeddaha Macmalka ee Ceel-Cadde iyo Ceel-Macaan, waxayna dabaaldegyaddu meelaha qaarkood ka socdeen ilaa iyo Xilligii dambe ee Saxuurta.

 

 

 

Qoysas badan, oo aanan Idaacadaha ka dhegeysanin Magacaabista Ra’isul-Wa- saaraha, ayaa waxay iyagoo anfariirsan ka soo baxeen guryahooda, kadib, markii ay maqleen Qeylo-dhaanta dadkii u damaashaadayey Prof. Cali Maxamed Geeddi iyo Dayaanka Madaafiicda cirka iyo badda loo ganayey.

 

 

 

Si kastaba ha ahaatee, Dabaaldeggii Xalay lagu soo dhaweeyey Ra’isul-Wasaare Prof. Geeddi, waxay noqotay Damaashaadkii ugu ballaarnaa ee laga dareemo Magaalladda Muqdisho tan iyo markii Madaxweyne C/llaahi Yuusuf Axmed loo doortay Xilkaasi.

 

 

 

Xeeldheerayaasha, ayaa rumeysan inuu Ra’isul-Wasaaraha Cusub aqlabiyad ahaan Madaxweynaha kaga sarreeyo Taageeradda Shacbiga Muqdisho, waxaana la wada og yahay, markii Madaxweyne C/llaahi Yuusuf la doortay inaysan Reer Muqdisho ku soo dhaweynin Caleemo Qoyan iyo Dabaaldegyo Dabrid watay.

 

 

 

WQ. Nuradin Abokor Axmed “Diini-Yare†nuradinhaji@hotmail.com

 

diniyare55@hotmail.com

 

Mudulood.com