Sirdoonka Soomaaliya oo hawlgal qorshaysan ku dilay xubno iyo horjoogayaal tirsan Al-shabaab

[Deeq A.]

Hay’adda Nabad-sugidda iyo Sirdoonka dowladda Soomaaliya ee NISA ayaa shaacisay in ay hawlgal qorshaysan ku dishay in ka badan 20 xubnood oo ka tirsan Al-shabaab.

War-saxaafadeed ka soo baxay Taliska NISA ayaa lagu sheegay in Hawlgalkaas oo laga fuliyay inta u dhexaysa degaannada Ugunji iyo Mubaarak oo ka tirsan Gobolka Shabeellada hoose.

” Howlgal qorshaysan oo Ciidanka Sirdoonka iyo Nabad Sugidda Qaranka iyo Saaxiibada Caalamiga ah ay ka fuliyeen inta u dhaxaysa deegaannada Ugunji iyo Mubaarak ee gobalka Shabeellaha Hoose ayaa lagu dilay in ka badan 20 ka tirsan Khawaarijta Al-Shabaab” ayaa lagu yiri War-saxaafadeedka.

Hay’adda Nabad-sugidda iyo Sirdoonka ayaa sidoo kale sheegtay in maleeshiyaadka Hawlgalkaas lagu dilay ay ku jireen horjogayaal islamarkaana lagu dhaawacay qaar kale halka qaarna goobta ka baxsadeen.

PUNTLAND POST

The post Sirdoonka Soomaaliya oo hawlgal qorshaysan ku dilay xubno iyo horjoogayaal tirsan Al-shabaab appeared first on Puntland Post.