Somaliland oo ku dhawaaqday in ay dagaal qorshaysan ku qaadayso Laascaanood

[Deeq A.]

Taliska Muuse Biixi ayaa markii u horraysay si rasmi ah ugu dhawaaqay dagaal qorshaysan oo ku jihaysan Laascaanood.

Af-hayeenka Ciidamada Somaliland S/Guuto Cabdi Dheer oo shalay warbaahinta la hadlay ayaa sheegay in ay dagaal qorshaysan oo millatari ku qaadi doonaan Laascaanood si ay dib ugu qabsadaan.

“Somaliland intii ay ka dulqaadanaysay waa ka dulqaadatay. Hadda annagu warqad yar oo la xar xariiqay soo dhigi mayno website-yada. Laakiin dagaal qorshaysan oo millatari ayaan qaadi doonaa” ayuu yiri Cabdi Dheere.

Hadalkaas ayuu sheegay saacado kadib markii Somaliland lagu jebiyay weerar ay saddex jiho kaga qaaday Laascaanood islamarkaana dib looga qabsaday saldhigoodii Dhuyuc-xuunsho.

Waxa xusid mudan mudda 49 cisho ah oo uu socdo dagaalka in Ciidamada Somaliland lagu ururiyay Taliska Gooja-cadde iyo nawaaxigiisa oo dhan masaafo ka yar 10km.

PUNTLAND POST

The post Somaliland oo ku dhawaaqday in ay dagaal qorshaysan ku qaadayso Laascaanood appeared first on Puntland Post.