Dagaal Maalintii Afraad Oo Xidhiidh Ah Uu Ka Socdo Magaalada Laascaanood

[Deeq A.]

Dagaalka u dhaxeeya Ciidamada qaranka Somaliland iyo dadka deegaanka ayaa maalintii afraad Magaalada Laascaanood ee Xarunta gobolka Sool.

Dagaalka ayaa saaka dib uga qarxay furimihii uu xalay gabalka ugu dhacay dhinacyada dagaalamaya.

Hugunka madaafiicda iyo dhawaqa hubka noocyadiisa kala duwan ayaa laga maqlaya daafaha magaaladaasi, sida ay wararku sheegayaan.

Wararka ayaa intaa ku daraya inay magaalada ka go’een biyihii ka dib markii goobtii keydka biyaha ay waxyeelo ka soo gaadhay dagaalka.

Dagaalkan galay maalintiisii afraad ayaa sababay khasaare badan oo dhimasho iyo dhaawacba leh waxaana sidoo kale ku barakacay dad badan oo shacab ah.

Source