Gabadh Uu Dhalay Madaxweyne Hore Ee Dalka IRAN Oo La Xukumay

[Deeq A.]

Faezeh Hashemi, oo 60 jir ah u dooda xuquuqda Dumarka horena u aheyd xildhibaan ayaa la xidhay bishii September ee sannadkii hore ka dib markii ay dhiirigalisay in Iraaniyiinta ay ka qeybqaataan bannaanbaxyada ka dhanka ah dowladda .

Waxaa lagu eedeeyey in ay kicin wadday.

Qareenkeeda Neda Shams ayaa sheegtay in la xukumay mar ay qoraal gaaban soo dhigtay barteeda twitter-ka mase aanay bixin faahfaahin dheeraad ah.

“ma aha wax sax ah in aan ka hadlo waayo waxaan ka fiirsanayaa in xukunkan aanu aheyn kii ugu dambeeyey. Macmiilkeyga weli xabsiga ayey ku jirtaa waxaana jira kiisas kale oo iyada ka horjeeda” ayey tidhi.

Gabadhan oo uu dhalay nadaxweyne hore oo Iran ah, Akbar Hashimi Rafsanjani ayaa aad u dhaliisha kooxaha ciidamada ah ee Ilaalada kacaanka ee dalka Iran., marar badan ayeyna ka hadashay.

.Hore waxay u soo dhammeysatay lix bilood oo xarig ah sanadkii 2012 iyadoo lagu helay waxa lagu tilmaamay dacaayad ay ka faafisay maamulkaiyadoo lala xidhiidhiyeyin ay taageeraty bannaanbaxyo kuwaas oo ka dhashay murankii doorashooyinkii madaxtinimada saddex sano ka hore.

Lix bilood oo kale ayaa la xiray 2017 kii oo loo haysatay in ay dacaayad fidisay oo ay caysay hannaanka caddaaladda

Gabadhan aabaheed waxaa uu ka mid ahaa aasaasayaashii Jamhuuriyadda Islaamiga ah ee Iran.

Waxaana uu madaxweyne dalkaa ka ahaa 1989 iyo 1997 dii waxaana uu ahaa shaqsi awood badan ilaa iyo xilligii uu dhintay 2017kii .

Source