Itoobiya Oo Dayax-gacmeedki Saddexaad Hawada Sare U Direysa

[Deeq A.]

Machadka Teknooloojiyadda iyo Hawada sare ee dalka Itoobiya ayaa sheegay Dayax-gacmeedkii seddexaad iney hawada sare u dirayaan.

Ku xigeenka machadka Dr Yeshurun Alamayehu oo BBC u warramay wuxuu sheegay Dayax-gacmeedkan seddexaad oo lagu magacaabo ETRSS-2 si la mid ah labadi dayax gacmeed oo ka horreeyey waxay ku wareegeysaa dhulka si ay macluumaad uga soo uruuriso.

Dayax-gacmeedkanna wuxuu kuwii hore uu kaga duwan yahay waxay soo direysaa sawirro iyo muuqaallo ka nadiifsan kuwi hore.

Dayax-gacmeedkan cusub wuxuu gacan ka geysanayaa daraasaadka iyo xog uruurinta la xidhiidha Beeraha, Macdanta, Ilaalinta Deegaanka, Ilaalinta cimilada iyo kheyraadka dhulka daraasaadka la halmaala.

Sameynta Dayax-gacmeedkan waxaa iska kaashaday aqoon yahanno u dhashay dalka Itoobiya iyo kuwa u dhashay dalka Shiinaha.

Itoobiya waxay hore hawada sare ugu dirtay Dayax gacmeedyada kala ah ETRSS-1 iyo ET-Smart-RSS.

Source