Erdogan Iyo Putin Oo Ku Heshiiyey In Qamadiga Ruushka Si Bilaash Ah Loogu Diro Dalal Ay Ku Jiraan Jabuuti iyo Soomaaliya

[Deeq A.]

Madaxweynaha Turkiga Tayyip Erdogan ayaa Jimcihii sheegay inuu dhiggiisa Ruushka Vladimir Putin kula heshiiyey in qamadiga Ruushka ee soo mara badda madow ay si bilaash ah ay ku tagaan dalalka Afrika ee saboolka ah.

“Markii aan taleefoonka kula xidhiidhay Vladimir Putin, wuxuu igu yidhi ‘ aan bilaash ugu dirno dalal ay ka mid yihiin Jabuuti, Soomaaliya iyo Suudaan’ – waana ku heshiinnay,” ayuu Erdogan ku yidhi hadal uu u jeediyay ganacsatada magaalada Istanbul.

Arrintan ayaa timid kadib markii Moscow ay Arbacadii dib u billowday ka qaybgalka heshiiska dhoofinta qamadiga ee u dhexeeya Qaramada Midoobay iyo Turkiga, taas oo sooo afjartay afar maalmood oo iskaashi la’aan ah ee dhoofinta raashinkan ee dekedaha Ukraine.

Horraantii toddobaadkan, wuxuu Putin sheegay in xitaa haddii Ruushku ka baxo heshiiskan mar kale, uu ku beddeli doono dhammaan saamiga qamadiga ee loogu talagalay “dalalka ugu saboolsan” si bilaash ah kan kaydka u ah Ruushka.

Reuters.

Source