Puntland oo sheegtay in ay caddayn buuxda u hayso wada-shaqaynta Somaliland iyo Argagixisada

[Deeq A.]

Jananka ugu sarreeya Ciidamada difaaca Puntland ayaa Khamiistii shaaciyay in ay Somaliland maal-geliso kooxaha Argagixisada ah.

Taliyaha guud ee Ciidamada difaaca Puntland S/Gaas Abshir London ayaa sheegay in Somaliland ay hoy u tahay garab-siinta iyo  kala gudbinta Argagixisada Soomaaliya.

S/Gaas Abshir London ayaa sidoo kale tilmaamay in Somaliland ay dhaqaale ku maal-geliso Argagixisada islamarkaana caddayn loo hayo arrintaas.

“Somaliland waxay ku caan-baxday hoyga magan-gelinta Argagixisada. Somaliland ayaa Argagixisada kala gudbisa dhaqaalana ku bixisa waxaan u haynaa caddaymo buuxa” ayuu yiri Gen. Abshir London.

Hadalkaas ayuu ka jeediyay duleedka degmada Boocame ee Gobolka Sool isaga oo la hadlayay ciidamo u dhashay degaankaas oo Puntland qaramaysay.

PUNTLAND POST

The post Puntland oo sheegtay in ay caddayn buuxda u hayso wada-shaqaynta Somaliland iyo Argagixisada appeared first on Puntland Post.