Janaraal Biixi oo sheegay in Al-shabaab looga adkaaday Gobolka Hiiraan

[Deeq A.]

Taliyaha Ciidanka Dhulka ee xoogga dalka Soomaaliyeed Jeneraal Maxamed Tahliil Biixi ayaa shaaciyay in Al-shabaab laga saaray inta badan degaannada iyo degmooyinka Gobolka Hiiraan.

Jananka ayaa sheegay in hawlgalladii u danbeeyay ee Gobolka Hiiraan ka dhacay Al-shabaab looga dilay 127 xubnood lagana qabsaday xarumihii ugu muhiimsanaa ee Gobolkaas.

Taliyaha ayaa tilmaamay in hawlgalladan ay iska kaashanayaan cutubyo kala duwan oo ka tirsan xoogga dalka Soomaaliyeed iyo ciidamo u dhashay degaannada Gobolka Hiiraan.

Sidoo kale wuxu sheegay in Gobolka Galgaduud ay ka socdaan hawlgallo culus oo ka dhan ah Al-shabaab si looga saaro degaannada ay kaga sugan yihiin Galgaduud.

PUNTLAND POST

The post Janaraal Biixi oo sheegay in Al-shabaab looga adkaaday Gobolka Hiiraan appeared first on Puntland Post.