Sri Lanka Oo Xidhay Soomaali Iyo Iraaniyiin Lagu Eedeeyay Inay Ku Dhoofayeen Baasabooro Been Abuur Ah

[Deeq A.]

(SLT-Sri Lanka)- Muwaadiniin u dhashay waddamada Iran iyo Soomaaliya oo isku dayay in ay dalka Sri Lanka kaga dhoofaan baasabooro been abuur ah ayaa lagu xidhay dalkaas.

Saraakiisha socdaalka ee garoonka diyaaradaha ee Bandaranaike, ayaa u xidhay labadan muwaadin, iyagoo doonayay inay ka dhoofaan dalkaas si ay u tagaan Faransiiska iyo Koonfur Afrika.

Saraakiisha laanta socdaalka ayaa baadhitaan ku sameeyay baasaboorkooda, kadib markii ay uga shakiyeen inuu yahay mid been abuur ah, waxaana markii dambe la xidhay labada eedaysane.

Eedeysanayaasha ayaa loo gudbiyay Waaxda Dembi-baadhista, si baadhitaano dheeraad ah loogu sameeyo.

Source